அண்ணல் மகாத்மா காந்தி

சத்தியாக்கிரகம் செய்தவராம்

சத்தியத்தில் வாழ்ந்தவராம்

சத்ய சோதனை தந்தவராம்

சத்ய சோதனை வென்றவராம்

 

ஒத்துழையாமை இயக்கத்திலே

ஒற்றுமையைக் கொண்டவராம்

ஒவ்வாத கருத்துக்கள் விலக்கி

ஒருமைப் பாட்டை கொண்டவராம்

 

ஆடம்பரம் துறந்து நின்று

அரை ஆடையில் வாழ்ந்தவராம்

அந்நிய ஆதிக்கம் விலக்கிடவே

அயராது நின்று போராடியவராம்

 

இன்னல் பல கண்டவராம்

இடர்பாடுகள் பல களைந்தவராம்

இனிய சுதந்திரம் பெற்றுத் தந்தவராம்

இனிய அண்ணல் காந்தியே

 

பாரதத்தின் தவப் புதல்வராம்

பாரதத்தின் எந்தையாம்

பாரதத்தின் ரத்தினமாம்

பாரத மகாத்மா புகழ் வாழிய!

சந்தர் சோமயாஜிலு (@)

சிவ ராம தாஸன்