நெகிழி

நெகிழி குவியலில் குன்றென

நிறைந்தது நானிலமே

நஞ்சக் குவியலாய் மாறியது

நானிலமே அதனாலே

வேதிப் பொருளாய்

விரைந்து வந்ததே

வேதனையை அள்ளியே

விரைவாய் தந்ததே

எளிதில் மட்காத

பொருள் இதுவே

என்றென்றும் நமக்கிது

கெடுதல் தருமே

நெகிழிக் கழிவுகள் பெரும் 

தொல்லையன்றோ

நெகிழும் தன்மை தனைக்

கொண்டதன்றோ

அன்றாடப் பயன்பாட்டாய்

மாறியது இதுவே

அவதிக்கு உள்ளானோம்

இதனால் தானே

கால்நடைகள் உண்ணுவதால்

பெரும் அவதி அன்றோ

கால்வாய் சாக்கடைகள்

அடைக்கும் அன்றோ

நெகிழிக் குடுவைத் தேனீர்

உடலுக்கு ஊறு அன்றோ

நிலத்தடி நீர் கெடுக்கும்

செய்கைப் பொருளன்றோ

இயற்கையை சீரழிக்கும்

செயற்கைப் பொருளே

இவ்வுலகை பரவி நிற்கும்

நாகரீகப் பொருளே

மாசு தனைப் பரப்பிடும்

தன்மை இதுவே

மாந்தர் குலம் அழிக்க

வந்த பொருள் இதுவே

நெகிழியின் மோகத்தில்

மூழ்கி இருந்தோம்

நோய்களை விருந்தோம்பி

வரவேற்று நின்றோம்

புற்று நோய் தனை

எளிதில் கொணருமே

அணு குண்டைவிட

மோசமான பொருளே

குழந்தைச் செல்வம் 

கெடுத்து மலடு தந்தது

குலம் சந்ததியை

வளர்க்காது கேடு தந்தது

பதப் படுத்தப்பட்ட

நெகிழ் உணவினை

புறப்படுத்துவோம் அறவே

புறப்படுத்துவோம்

மறு சுழற்சி மறு பயன்பாடு

மனதில் கொள்வோம்

மக்கள் இதில் உறுதியாய் 

வெற்றி காண்போம்

விவசாயம் வேளாண்மை

பாதித்தது இதனாலே

வானிலை சுற்றுச்சூழல்

கெட்டது இதனாலே

நெகிழியைத் தவிர்த்தால்

தவிப்பு இல்லையே

நீர் நிலை நிலங்களுக்கு

பாதிப்பு இல்லையே

நெகிழியைத் தவிர்த்தால்

தூய்மைக் கிட்டுமே

இயற்கையைப் போற்றினால்

பசுமை கிட்டுமே

உலகில் நெகிழி வேண்டாமென

உறுதிக் கொள்வோம்

உளமாற விலகாது

உறுதியாய் இருப்போம்

மாசு தனை மூழ்கடிக்கும்

நெகிழைத் தடுப்போம்

மாசு இலா சூழல் தனில்

நிறைவு காண்போம்

சந்தர் சோமயாஜிலு (@)

சிவ ராம தாஸன்