31 மே
பகை என தெரிந்தும்
புகை எதற்கு நண்பா
உடல் நலம் கெடுக்கும்
நஞ்செனத் திகழும் (ப)
நுரை யீரல் நலிந்திடும்
இதயத்தை இறுக்கிடும்
இரத்த அழுத்தம் மிகுந்திடும்
உபாதைகள் தந்திடும் (ப)
புற்று நோய் தந்திடும்
காச நோய் தந்திடும்
ஆஸ்துமா தந்திடும்
மாரடைப்பில் முடிந்திடும் (ப)
மூச்சு இரைப்பு மிகுந்திடும்
மலட்டு தன்மை தந்திடும்
ஆரோக்கியம் கெடுத்திடும்
ஆனந்தம் குலைத்திடும் (ப)
உன்னதமான அரியதொரு
உயிரையே குலைத்திடும்
புகைப் பழக்கம் கை விடுவாய்
புகையின்றி வாழ்ந்திடுவாய் (ப)
சந்தர் சோமயாஜிலு (@)
சிவ ராம தாஸன்
2 comments:
Nice
புகையின் பகை விளக்கம் அருமை.
Post a Comment