தாத்தா காந்தி வாழிய !
உத்தம காந்தி வாழிய !
சுத்த சுதந்திர காற்று தந்த
உத்தம காந்தி வாழிய !
கத்தியின்றி ரத்தமின்றி
யுத்தமொன்று செய்தனை
புத்தி கொண்டு யுத்தி செய்து
வித்தை ஒன்று செய்தனை
குத்து கொலை எதிர்த்து நின்று
கொத்தடிமை தகர்த்து நின்ற
கைத்தடி கொண்டு நடந்து நின்ற
உத்தம காந்தி நீவிர் வாழிய !
எத்துணை துயர் பல வரினும்
தத்தமது உயிரை துச்சமென
சொத்து சுகம் துறந்து நின்று
ஒத்துழையாமை புரிந்து நின்று
சுத்தம் சுகாதாரம் அறிவுறுத்தி
நித்தமது போராடி பங்கயர்
சித்தம் கலங்கி ஓடச் செய்த
உத்தம காந்தி நீவிர் வாழிய !
சந்தர் சோமயாஜிலு (@)
சிவ ராம தாஸன்
No comments:
Post a Comment