பரத நாட்டியம்

பரத முனி தந்த வழி தனிலே

பாரதம் கண்ட கலையன்றோ

பதம் பிடித்து ஆடுகையிலே

பாவம் காட்டும் கலையன்றோ !

மத்தள நட்டுவாங்க ஒலியுடனே

ஜதிகள் நிறைந்த தாளமுடனே

ராகம் நிறைந்த கவி பாடலுடனே

அபிநயம் காட்டும் கலையன்றோ !

வீணை இசையினில் நாதம் உதிக்க 

கானக் குரலினில் கீதம் ஒலிக்க

கொஞ்சும் சலங்கை சிலம்பொலிக்க

பாதம் பதித்து ஆடும் கலையன்றோ !

இடது பாதம் தூக்கி நிறுத்தி

இடது பாகம் ஈந்த ஈசனும்

இமைகள் தூக்கி விழிகள் அசைய

நவரசம் காட்டிடும் கலையன்றோ !

நடனக் கலையில் ஒன்றாய் திகழும்

பக்தி மார்க்கத்தில் ஒன்றாய் திகழும்

இறை கழல் பற்றிட உதவும் கலையே

பாரத தேசத்து பரதக் கலையன்றோ !

சந்தர் சோமயாஜிலு (@)

சிவ ராம தாஸன்